• Басты
  • Сарапшылар әлемдік қаржылық-экономикалық дағдарыстың ұзақ мерзімді салдарын талқылады
27 Наурыз, 2014 10:00

Сарапшылар әлемдік қаржылық-экономикалық дағдарыстың ұзақ мерзімді салдарын талқылады

G-Global ақпараттық-коммуникативтік алаңында «БҰҰ мүше мемлекеттеріне арналған Әлемдік қаржылық-экономикалық дағдарыстың ұзақ мерзімді салдарының алдын алу жоспарының жобасы» атты тақырыпта онлайн-конференция өткізілді.
Сарапшылар әлемдік қаржылық-экономикалық дағдарыстың ұзақ мерзімді салдарын талқылады

Конференция модераторы ретінде Бреттон-Вудсты жаңарту жөніндегі коммитеттің атқарушы директоры Марк Узан қатысты. Онлайн-конференция барысында БҰҰ мүше мемлекеттеріне арналған Әлемдік қаржылық-экономикалық дағдарыстың ұзақ мерзімді салдарының алдын алу жоспарының (бұдан әрі - Жоспар) жобасын талқылауға халықаралық және қазақстандық  сарапшылар қатысты, деп «Еуразиялық ғалымдардың экономикалық клубы» Қауымдастығында хабарлады.  

Демократиялық  ұстанымдарға негізделген Жоспар қаржылық-экономикалық дағдарыстан шығудың тиімді  жолдарын табуға, соонымен қатар болашақ құлдыраулардың алдын алуға, ұзақ мерзімді теңгерімделген экономикалық өсуді қамтамасыз етуге бағытталған. Бүгінгі күні G-Global ақпараттық-коммуникативтік алаңы БҰҰ Әлемдік Дағдарысқа қарсы Жоспарының Жобасы үшін дағдарысқа қарсы ұсыныстарды өңдейтін нақты құралға айналды, 2013 жылдың 1 шілдесінен бастап Жоспар белсенді түрде талқылануда. Осы уақыт аралығында G-Global порталын пайдаланушылар, олардың ішінде халықаралық ұйымдар мен қаржы институттарының сарапшылары, ҮЕҰ, іскери және ғылыми орталардың өкілдері, саяси және қоғам қайраткерлері 13 000-нан астам баяндама мен зерттеу жұмыстарын, 45 000 сараптамалық шолу мен түсініктемелер, сондай-ақ, Жоспар жобасын тиімді қалыптастыру үшін 300 бейне-конференция өткізді. 2014 жылдың 19 наурыз күні өткізілген онлайн-конференция Жоспар жобасын талқылаудың маңызды іс-шараларының бірі болып табылды.

Әлемдік сарапшылар қоғамдастығының белсенді көмек көрсетуінің арқасында 2014 жылдың 19 наурыз күні Жоспардың алғашқы жобасының және әлемдік сарапшылар қоғамдастығының пікірсайсының негізінде  ақпараттық-коммуникативтік платформада Жоспардың шоғырландырылған жобасы әзірленді. Бұл жетекші сарапшылардың тиімді және жаһандық үйлестірілген саясат пен әлемдік қаржы-экономикалық архитектураны реформалауға бағытталған үйлесімді, біріккен  жұмыстарының нәтижесі болды.

G-Global ақпараттық-коммуникативтік алаңында онлайн режімде Жоспардың жобасын әзіреудің белсенді үдерісі жүріп жатыр. Оған күн сайын халықаралық ұйымдардың, ғылыми-зерттеу орталықтары мен институттардың өкілдері, сонымен қатар, БҰҰ мүше мемлекеттерінің өкілдері, беделді саясаткерлер, сарапшылар және үкіметтік емес ұйымдардың өкілдері қатысады. Жобаны қалыптастыруға үлкен үлес қосқандардың бірі Бреттон-Вудсты жаңғырту комитетінің жетекшісі Марк Узан болып табыла.

БҰҰ мүше мемлекеттеріне арналған Жоспардың жобасын Астана қаласында 2014 жылдың 21-23 мамыр аралығында БҰҰ Бас Ассамблеясының қолдауымен (A/RES/68/201 «Халықаралық қаржы жүйесі және даму 20.12.2013 ж. бастап» қарары) өткізілетін ІІ Бүкіләлемдік Дағдарысқа қарсы Конференция (БДК) қорытындысы бойынша қабылдау жоспарлануда.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды