• Басты
  • Мюнхенде Бавариядағы Қазақстанның экономикасы күні өтті
26 Наурыз, 2014 18:30

Мюнхенде Бавариядағы Қазақстанның экономикасы күні өтті

Мюнхен қаласында Германиядағы Қазақстан Елшілігінің, Бавария Экономика және технологиялар министрлігі мен жер Сауда-өндірістік Палатасының қолдауымен ұйымдастырылған «Бавариядағы Қазақстан Республикасының экономика күні» өтті.
Мюнхенде Бавариядағы Қазақстанның экономикасы күні өтті

Сыртқы істер министрлігінде хабарлағандай, шараның басты мақсаты қаңтар айындағы Елбасының Жолдауы шеңберінде неміс инвестициялары мен технологияларын Қазақстан экономикасына тарту бойынша Бавариямен ынтымақтастықты кеңейту болып табылады. Іс-шараға федералдық жерлердің ресми және экономикалық топтарының 200-ден аса өкілдері, сондай-ақ Баварияда орналасқан ірі концерндер мен компаниялардың басшылары қатысты.

Өз сөзінде Германиядағы Қазақстан Елшісі Нұрлан Оңжанов қатысушыларға Қазақстан экономикасы дамуының өзектілігі және елдегі қолайлы инвестициялық жағдай туралы, сонымен қатар 2010-2014 жылдарға арналған ҚР индустриалдық-инновациялық тездетілген дамуы Мемлекеттік бағдарламасын іске асыру барысында Қазақстан Үкіметінің қол жеткізген аралық нәтижелері туралы хабардар етті. Ол Баварияның іскер топтарын Қазақстанмен өзара тиімді әріптестікті тереңдетуде және кеңейтуде қолда бар мүмкіндіктер мен қолайлы жағдайларды белсендірек қолдануға шақырды. Елшінің пікірінше, Қазақстан үшін отандық экономикаға жаңа технологиялар мен ноу-хау трансфертін қарастыратын, қазақстандық білікті техникалық мамандарды даярлайтын қазақстандық экономиканың басым салаларындағы бірлескен инвестициялық жобалар ерекше қызығушылық тудыруда.

Экономика күні шеңберінде өткен "Шикізат, өндірістік және технологиялық әріптестіктің, сондай-ақ жобалық-инжиниринг қызметі саласындағы ынтымақтастықтың жағдайы мен болашағы" тақырыбындағы панельдік пікір-талас барысында Қазақстан мен Германия арасындағы тиімді шикізат, индустриалдық және технологиялық әріптестікті әрі қарай реттеу мәселелері талқыланды. Бавариялық қатысушылар Германияның энергетикалық қауіпсіздігін қамтамасыз етудегі Қазақстанның маңызды рөлін, сонымен қатар Қазақстанның қазақстандық экономиканы жаңарту және индустриаландыруға бағытталған мемлекеттік бағдарламаларды жүзеге асыруға байланысты неміс жоғары технологиялық компанияларына ұсынып отырған мүмкіндіктерін атап өтті.


 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды