2014 жылы Астана-Теміртау учаскесінде жолдың алғашқы 22 шақырымы пайдалануға беріледі

26 Наурыз, 2014 09:16

ҚР Президентінің Қазақстан халқына Жолдауын іске асыру аясында 2014 жылы Астана-Теміртау учаскесінде жолдың алғашқы 22 шақырымы пайдалануға беріледі. Бұл туралы ҚР Көлік және коммуникация министрлігі Автомобиль жолы комитетінің төрағасы орынбасары Сатжан Әбілалиев Strategy2050.kz агенттігіне берген сұхбатында мәлімдеді.

«Өткен жылдан бастап маңызды көлемді жобалар біртіндеп іске асырылуда. Атап айтар болсақ, Орталық-Шығыс, Орталық-Оңтүстік пен Орталық-Батыс. Оңтүстік-Орталық жобасына келер болсақ, қазіргі таңда Астана-Теміртау мен Алматы-Қапшағай учаскілерінде құрылыс жұмыстары басталды», - дейді С.Әбілалиев.

Оның айтуынша, 2014 жылы Астана-Теміртау учаскісінде жолдың алғашқы 22 шақырымы пайдалануға беріледі.

Сонымен қатар, Қарағандыдан бастап Қапшағайға дейінгі учаскеде биыл жобалау-сметалық жұмыстар аяқталатын болады. Жол толықтай 4 жолақты қозғалыс негізінде салынып, соңғы технологиямен жарақтандырылып, Алматы-Қапшағай жолына 6 жолақ салынады.

«Жоба барлық халықаралық талаптарға сай келеді. Мұнда сағатына 150 шақырымға дейін жылдамдық алуға мүмкіндік бар. Аталмыш жобаның нәтижесі бойынша, бұл жерлердегі жол-көлік оқиғалары мен апаттық жағдайлар азаятын болмақ. Ал жылдамдық 3 есеге дейін артпақ. Ал экономикалық тұрғыдан аталмыш автожол өңірлер арасына тиімді байланыс құрмақ», - дейді С.Әбілалиев.

Барлық жаңалықтар