• Басты
  • Н.Назарбаев «Қазақстанның Нидерландтағы достары» Қазақстан-Нидерланд саяси клубының мүшелерімен кездесті
24 Наурыз, 2014 09:00

Н.Назарбаев «Қазақстанның Нидерландтағы достары» Қазақстан-Нидерланд саяси клубының мүшелерімен кездесті

ҚР Президенті Нұрсұлтан Назарбаев «Қазақстанның Нидерландтағы достары» Қазақстан-Нидерланд саяси клубының мүшелерімен кездесті.
Н.Назарбаев  «Қазақстанның Нидерландтағы достары» Қазақстан-Нидерланд саяси клубының мүшелерімен кездесті

Ақорданың баспасөз қызметінен хабарлағандай, кездесу барысында Нұрсұлтан Назарбаев Голландтық компанияларымен ынтымақтастыққа және өзара ықпалдастық саласын кеңейтуге мүдделілік бар екенін атап өтті.

«Нидерландтың Қазақстан экономикасына салған инвестициясы 30 миллиард АҚШ долларын құрайды. Өзара тауар айналымы 10 миллиард доллар деңгейіне жетіп отыр. Бұл – Еуропалық Одақ елдері арасындағы ең жоғары көрсеткіш. Қазір Қазақстан индустриялық-инновациялық бағдарламаны іске асыруда, оның аясында 500-ден астам кәсіпорын, 600 мыңдай жұмыс орны ашылды. Біз Голландтық компанияларды бірлесе жұмыс істеуге шақырамыз. Еліміз мұнай-газ, түсті және қара металлургия, химия саласында өңдеуші кәсіпорындарды дамытуға мүдделі. Біз мұндай өндіріс үшін жеңілдіктер ұсынамыз және тиісті инфрақұрылым қалыптастырамыз. Ақпарат және ауыл шаруашылығы саласындағы ынтымақтастыққа да мүдделіміз», – деді Қазақстан Президенті.

Нұрсұлтан Назарбаев Қазақстанның Франция, Германия, Испанияның бірқатар ірі компанияларымен ынтымақтастық деңгейі жоғары екенін атап өтіп, республика шетелдік инвестицияны көлемі жөнінен мейлінше көбірек тартатын 20 елдің қатарына кіретініне тоқталды.

Кездесу соңында Мемлекет басшысына Қазақстан Президенті бейнеленген Голландтық жаңа пошта маркасы және «Президент Назарбаев» деп аталатын қызғалдақтың жаңа түрі таныстырылды, сондай-ақ Роттердам қаласы әкімдігінің «Астана» жаңа алаңын ашу туралы бастамасы жарияланды.    

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды