С.Қайырбекова: Мемлекет басшысының кадр тапшылығын шешу тапсырмасы орындалып жатыр
20 Наурыз, 2014 10:30
Павлодар облысына жасаған жұмыс сапарында ҚР Денсаулық сақтау министрі Салидат Қайырбекова ауылдық денсаулық сақтау нысандары: Қашыр ауданы Песчаное ауылының амбулаториясы мен Қашыр аудандық ауруханасын аралады. Ауруханада ол ауданның медиициналық қауымдастығымен кездесті.
Министр Мемлекет басшысының кадр тапшылығы мәселесін шешу туралы тапсырмасының уақыт өте келе шешілетінін айтты, деп хабарлайды ведомство.
Осы орайда еліміздің бас дәрігері кадрлық ресурсты жақсарту, медициналық кадрлармен жарақтандыруды арттыру, тұрғын үй бере отырып және көтерме ақы төлеп, өзге де әлеуметтік қолдау шараларын жасай отырып жас мамандарды ауылдық жерлердегі емдік-профилактикалық ұйымдарға тарту бойынша жұмыстарды күшейту қажеттілігін айтты.
