• Басты
  • ҚР-да астық өндірушілердің тікелей қатысуымен астықты биржа арқылы сату жұмыстары басталды
19 Наурыз, 2014 11:48

ҚР-да астық өндірушілердің тікелей қатысуымен астықты биржа арқылы сату жұмыстары басталды

«Қазагромаркетинг» АҚ «Еуразиялық сауда жүйесі» тауар биржасы» АҚ (ЕСЖ) мен «Азық-түлік келісім шарт корпорациясы» АҚ-мен бірлесе отырып астық өндірушілердің тікелей қатысуымен астықты биржа арқылы сату жобасын жүзеге асыру жұмысына кірісті.
ҚР-да астық өндірушілердің тікелей  қатысуымен астықты биржа  арқылы сату жұмыстары басталды

«Қазагромаркетинг» АҚ-да хабарлағандай, бұл жобаның іске асырылуы нәтижесінде бидай өндірушілер еш кедергісіз қосымша бидай сату нарығына қол жеткізіп, неғұрлым көп пайда таба алады.

Осы жобаны іске асыру мақсатында наурыз айының 4-і мен 14-і аралығында «Қазагромаркетинг» АҚ-ның аймақтық желісі негізінде «ЕСЖ» тауарлық биржасының қолдауымен сынақ түрінде бірнеше биржалық сауда-саттық өткізілген болатын.

Сынақ түріндегі сауда-саттықтарға «Азық-түлік келісім шарт корпорациясы» АҚ, биржалық брокерлер және Солтүстік Қазақстан, Ақмола, Батыс Қазақстан, Ақтөбе, Қарағанды, Қостанай облыстарынан 18 астық өндіретін кәсіпорын қатысты.

Ағымдағы жылдың 18 наурызында жоба іс жүзінде жүзеге асырыла бастады. «Қазагромаркетинг» АҚ Ақмола облысының элеваторынан жеткізілу шартымен 680 тонна (10 вагон) көлеміндегі 3 сыныпты бидайды  алғашқы сатылымға шығарды.

Партия сәтті сатылды. Саудаласу барысында сатушы брокері  «Қазагромаркетинг» АҚ 1 тонна үшін 36500 теңгені тағайындаса, сатып алушының брокері 1 тонна үшін 35500 теңгені ұсынды.Нәтижесінде қосымша құн салығын ескергенде 1 тонна бидай 36000 теңгеге өткізілді.

Енді бұл баға биржаның ресми бағамы ретінде Ақмола облысының басқа да фермерлеріне бағдар бермек.

Өткізілген сауданың оң нәтижесін және фермерлерден келіп түскен ұсыныстарды ескере отырып, «Қазагромаркетинг» АҚ жақын күндері биржалық сауданы жалғастырмақ.

Еске сала кетейік, «Қазагромаркетинг» АҚ-ның өкілдіктері республиканың 160 аймағында орналасқан. Сол себептен нарық бағасымен биржа арқылы бидайды сатамын дейтін кез келген шаруа өзіне жақын орналасқан компанияның өкілдігіне барып, брокердің қызметін пайдалана алады. Осы орайда компания отандық өндірушілердің өнімін сатудың жаңа жолын салып бермек. 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды