АШМ-де «ҚазАгро» тарапынан 40 млрд. теңге көлемінде несиелендіру бағдарламасы бекітілді - А.Мамытбеков

18 Наурыз, 2014 15:45

Мемлекеттік комиссия жылдық үстемақы 5%-дан аспайды деген шартпен «ҚазАгро» тарапынан 40 млрд. теңге көлемінде несиелендіру бағдарламасын бекітті, деп көмтемгі дала жұмыстарына арналған баспасөз конференциясында ҚР Ауылшаруашылығы министрі Асылжан Мамытбеков мәлім етті.

«Үкімет тарапынан көктемгі дала жұмыстарын мәселесін шешу бойынша барлық шаралар ескерілді. Кеше мемлекеттік комиссия өтті, онда олар банктік кепілдендіру болған жағдайда жылдық үстемақы 5%-дан аспайды және ӘКК-ның кепілдендірілген бидай сатып алуға нарықтық бағаны жылдық 5% дисконттайды деген шартпен «ҚазАгро» тарапынан бюджеттік қаржы есебінен 40 млрд. теңге көлемінде несиелендіру бағдарламасын бекітті», - деді А. Мамытбеков.

Осылайша, оның айтуынша қаржы тапшылығының негізінен туындаған мәселелердің барлығы шешімін табады. Оның үстіне, жанар-жағармаймен қамтамасыз ету мәселесі де шешілді.

Сонымен қатар, Мұнай және газ министрлігі мен Ауыл шаруашылығы министрлігінің біріккен бұйырығымен литріне 95 теңгеден аспайтын баға орнатылды.

Жалпы, 2014 жылы ауыл шаруашылығы 21,8 млн гектарды қамту жоспарланған. Бұл 2013 жылмен салыстырғанда 0,15% артық. Соның ішінде бидайға 15,9 млн гектар арналса, зәйтүн майына 2 млн га, жем-шөпке 3,4 млн га, жалпы бау-бақша мен картоп егістігіне 410 мың гектар арналмақ.

Ведомствоның хабарлауынша, ауылшаруашылығының жалпы бидай егістігі алаңы меморандумда көрсетілген индикативті көрсеткіштен 345,7 мың гектарға артық. Ал зәйтүн, жем-шөп, дәнді-дақылдар тиісінше 139,4 мың га, 127,5 мың га және 19,6 мың гектарға артық.

Барлық жаңалықтар