Қазақстандық суретші Қ.Алтынбеков Мажарстанда «Рыцарь Кресті» орденімен марапатталды
17 Наурыз, 2014 10:00
Мажарстанның Президенті Янош Адер Қазақстанның әйгілі реставратор суретшісі, «Қырым аралы» ғылыми-реставрациялық лабораторияның негізін қалаушысы, ҚР Суретшілер одағының мүшесі, ҚР көркем суретшілер Академиясының Академигі Қырым Алтынбековтің мәдени-тарихи мұраны сақтауға қосқан зор үлесін жоғары бағалай отырып, оны «Рыцарь Кресті» орденімен марапаттады.
Сыртқы істер министрлігінде хабарлағандай, Қ.Алтынбековты орденмен Мажарстанның Президентінің атынан Өңірлік даму министрі Шандор Фазекаш марапаттады. Марапаттау 1848/49 жылғы 15 наурызда мажар революциясымен азаттық жолындағы 165 жылдығына орай ұштастырып өтті.
Мәдени-тарихи мұраны сақтау саласындағы Қ.Алтынбековтың«Ұлы дала мәдениеті» еңбегінің көрмесі Мажарстанның астанасы Будапешт қаласында, сондай-ақ елдің Дебрецен, Кестхей мен Балатонсемеш сияқты ірі қалаларда өтіп, бүгінгі мажарлармен туысқандық байланыста болған көшпелі халқының тұрмыс салтын көрсететін бірегей ерекше көрме қойылымдарымен мажар азаматтардың назарына ұсынылған болатын.
