СҚО-да электр желілері арқылы электр энергиясын үнемдеу жұмыстарына 330 млн теңге қарастырылған

Кәсіпорынды жаңғырту үшін 2014 жылы барлығы 1 млрд. теңге бағытталады, деп облыс әкімдігінен хабарлады.

Компания қызметінің негізгі жұмысының нәтижесі - жүргізіліп жатқан жаңғырту аясында нормативті шығыстардың азаюы және құрал жабдықтарды ескіру көрсеткішінің төмендеуі. 2013 жылы компания электр құрылғыларының жұмыс сенімділігін арттыру үшін 181 млн. теңге жұмсады. Ал, құралдардың ескіруі 75%-дан 73%-ға дейін төмендеді.

Сонымен қатар, СҚ ЭЭТК инвестициялық жобаның 870 млн. теңге көлемінде қаржысын игерді.

Естеріңізге сала кетейік, Солтүстік Қазақстанның электр энергиясын тарататын компаниясы монополияға қарсы ведомствомен Қазақстандағы осы сала бойынша ең үздік кәсіпорын деп танылды.  Бағалаудың басты өлшемі - нормативті шығыстардың көлемі.

Жалпы, ЭЭТК аймақтағы 13,5 мың км созылған желіге және 160 мың абонентке қызмет көрсетеді.