Жамбыл облысында 10 мыңға жуық көшет отырғызылды
16 Наурыз, 2014 11:00
Облыс әкімдігінен хабарлағандай, іс-шараға жастар, барлық деңгейдегі әкімдік пен мемлекеттік мекемелердің қызметкерлері, еңбек ардагерлері, оқу орындарының өкілдері мен облыс тұрғындары атсалысты.
Жастар сенбілігі Тараздың «Байтерек» шағын ауданында Назарбаев Интеллектуальды мектебінің қасында өтіп, 700-ге жуық көшет отырғызылды.
«Біз табиғатқа әрқашан ерекше қамқорлықпен қарай отырып, қорғауымыз керек. Бүгінгі біздің жастарымыз шынайы патриоттық сезімдерін көрсетіп отыр. Олар өз істерімен табиғатты қалай қорғап, тазалықты сақтау керек екендігін көрсетуде. Менің ойымша біз бірлесіп өзіміздің облысымызды еліміздегі ең таза өңір етеміз», - деп сенбілікке қатысқан аймақ басшысы Кәрім Көкірекбаев атап өтті.
