Назарбаев Университетінде «Болашақ» түлектері үшін бос жұмыс орын жәрмеңкесі өтті

16 Наурыз, 2014 13:00

Р Білім және ғылым министрлігінің қолдауымен Назарбаев Университеті және Халықаралық бағдарламалар орталығы түлектер мен студенттерге арналған Job/internship fair & Networking бос жұмыс орнының жәрмеңкесін өткізді.

Аталмыш іс-шараға Университеттің техникалық және гуманитарлық мамандықтар бойынша оқитын 500-ден астам соңғы курс студенттері, сондай-ақ, «Болашақ» халықаралық стипендиясының 600-ден астам түлектері қатысты.

Іс-шараның ресми ашылу салтанаты «Назарбаев Университеті» ДББҰ Президенті Шигео Катсудың алғысөзінен басталды. Жәрмеңке барысында жұмыс берушілер компанияның қызметі жайлы тұсаукесер жасап, кәсіби машықты дамыту треннингтерін өткізді. Сонымен қатар, жұмыс іздеушілермен сұхбаттар мен тестілеу жүргізді. ҚР Сыртқы істер министрлігінің жауапты хатшысы Асқар Мусинов презентация өткізді.

Оның үстіне, панельді сессиялар (Networking) барысында қатысушылар әр жылдардағы «Болашақ» бағдарламасының танымал түлектерімен бейресми кездесу әрі тілдесу мүмкіндігіне ие болды. Олардың арасында «Бәйтерек» ҰБХ» АҚ Басқарма төрағасы Қуандық Бишімбаев та бар.

Job/internship fair & Networking бос жұмыс орындарының жәрмеңкесіне 90-нан астам қазақстандық және шетелдік компаниялар қатысты. Ұйымдастырушылардың пайымдауынша, мұндай іс-шара жыл сайын өткізіліп тұрмақ.

Барлық жаңалықтар