• Басты
  • Елорда жастары «Мәңгілік Ел» ұлттық идеясын қолдайды
15 Наурыз, 2014 12:28

Елорда жастары «Мәңгілік Ел» ұлттық идеясын қолдайды

Бүгін елордалық жастар «Мәңгілік Ел» ұлттық идеясына қолдау көрсету мақсатында «Жастар – Мәңгілік Елдің болашағы» акциясын өткізді.
Елорда жастары «Мәңгілік Ел» ұлттық идеясын қолдайды

«Қазақстандық жастар Мемлекет басшысының бастамасына қолдау көрсетуге әзір. Біз ұлттық және діни ерекшеліктерімізге қарамастан бір шаңырақ астында бірігіп отырмыз. Біз өзіміздің бірлігімізді сақтай отырып еліміздің дамуына өзіндік үлес қосамыз. Бүгінге дейін бірқатар қайырымыдылық және экологиялық шараларды ұйымдастырдық. Сонымен қатар біз салауатты өмір салтын насихаттап, «Саламатты Қазақстан» мемлекеттік бағдарламасының орындалуына септігімізді тигіземіз», - дейід ЕҰУ студенттер мен магистранттардың кәсіподақтық ұйымының атқарушы директоры Тынашқали Сәбен.

Оның айтуынша, биылғы жылға «Қазақстан-2050» Стратегиясында көрсетілген көптеген шараларды өткізу жоспарланып отыр.

Ұйымдастырушылардың айтуынша, акцияның басты міндеті Мемлекет басшысы Ұлт Көшбасшысы Н.Ә.Назарбаевтың «Мәңгілік Ел» идеясын іске асыруда жастардың басын біріктіру.

Айта кету керек, аталмыш деңгейдегі шаралар Мемлекет басшысы Н.Ә.Назарбаевтың Қазақстан халқына «Қазақстан жолы-2050»: Бір мақсат, бір мүдде, бір болашақ» Жолдауын іске асыру мақсатымен еліміздің әр аймаңында атқарылып жатыр.

Шараға жас көшбасшылар, шығармашылық интеллигенция мен жастар ұйымы өкілдері, депутаттар мен ЖОО мен эстрада жұлдыздары қатысты.

«Мәңгілік Ел» ұлттық идеясы Қазақстанның мыңдаған жылдық тарихынан туындаған біздің басты мұрамыз. Тәуелсіздік жылдары ішінде біз елдің ұйысуы мен елдің гүлденуінде айтарлықтай жетістікке жеттік.

Барлық жаңалықтар