Қазақстан мен Сейшел Аралдары Республикасының арасында дипломатиялық қатынастар орнатылды
Қол қою рәсімі кезінде екіжақты деңгейде ынтымақтастықтың болашағы туралы және Қазақстан мен Сейшел үшін қызығушылық тудыратын БҰҰ күн тәртібіндегі маңызды мәселелер бойынша пікір алмасу өтті. Солардың ішінде – теңізге шыға алмайтын, кіші аралды елдер мәселесін шешу, Тұрақты даму мақсаттарын жасау, қоршаған ортаны қорғау, климаттың өзгеру мәселесі және т.б. бар, деп ҚР Сыртқы істер министрләгәнде хабарлады.
Тараптар мемлекеттер арасында туризм, білім беру, сауда және өңірлік нарықтарға жол ашу салаларындағы өзара тиімді байланыстарды кеңейтудің маңыздығын атап өтті. Осы жығы қыркүйекте Қазақстанның да қатысуы жоспарланып отырған Дамып келе жатқан кіші аралды елдердің саммитіне ерекше назар аударылды.
Сейшелдер – ЭКСПО-2017 мамандандырылған көрмесін өткізуде Астана қаласының кандидатурасын қолдаған африкалық өңірдегі алғашқы мемлекеттердің бірі. Сейшелдің БҰҰ жанындағы тұрақты өкілі әсіресе дамып келе жатқан елдер үшін энергетика дамуындағы, энергоресурстардың жетіспеушілігі мәселесін шешудегі ЭКСПО-2017 көрмесінің маңызды рөлін атап өтті.
