Қазақстан «ТМД және қарым-қатынастың жаңа форматы» халықаралық форумына қатысты
15 Наурыз, 2014 11:15
Кеше Мәскеуде «ТМД және қарым-қатынастың жаңа форматы» халықаралық экономикалық форум өтті.
Форум аясында ТМД елдері Туризм кеңесінің отырысы ұйымдастырылды. 2014 жылы төрағалыққа Беларусь Республикасы сайланды, деп хабарлайды ҚР ИЖТМ Туризм индустриясы комитеті.
Дөңгелек үстел мен Туризм кеңесі отырысы аясында 2020 жылға дейінгі туризм саласындағы ТМД елдері әріптестігінің стратегиялық іске асырылуын қамтамасыз ету мен «Тәуелсіз мемлекеттер достастығындағы туризм жылына» арналған 2014 жылғы мәселелер қарастырылды.
ҚР ИЖТМ Туризм индустриясы комитеті төрағасы Марат Иғалиевтің айтуынша, «2015 жылы Қазақстан ТМД елдері туризм кеңесіне төрағалық етпек». Осыған орай Қазақстан тарапы Туризм жылы бойынша шаралар жоспарына 20 пункт енгізді. Республиканың барлық өңірі дерлік аталмыш шара барысында өздерін өздері танытатын болады.
