С.Дацаев: Қазақстан менің екінші отаныма айналды
1941-1945 жылдары Шығыс Қазақстан облысы репрессияланған халықтарды баурына басқан бірден бір өңір болды: немістер, шешендер, гректер мен өзге де ұлт өкілдері осы жерге келіп орнықты. 1944 жылы Солтүсікт Кавказдан 30 мыңдай жер аударылғандар өңірге келіп табан тіреді, делінген ШҚО Ақпараттық орталығының хабарламасында.
«Біздің бәрімізді жинап көлікке тиеп, алдымен Грозныйға жеткізді, сосын вагонға отырғызып жер аударып жіберді. Ол кездері менің жасым 7-де. Мұнда бізді жергілікті халық жылы қарсы алды. Осы жерден мен кешкі мектеп пен институтты да тәмамдап шықтым. Біздің отбасы СЭС, өткел құрылыстарында жұмыс істесе, мен зауытта еңбек еттім. Осылайша Қазақстан менің екінші отаныма айналды», - дейді ақсақал Сауладин Дацаев.
«Вайнах» орталығы өкілі Хамзата Янгулбаевтың айтуынша, 70 жыл ішінде депортацияланған ұлттар жергілікті халыққа сіңісіп кетті. Қазақ, орыс, шешедер мұнда бір атаның балаларындай өмір сүріп келеді.
