ҚР-да «Жұмыспен қамтудың жол картасы-2020» бағдарламасының бірінші бағыты аясында 1700-ден астам жоба іске асырылды – Қ.Әбсаттаров

«Жұмыспен қамтудыың жол картасы-2020» бағдарламасының бірінші бағыты аясында 52,9 млрд теңге бөлініп 23 568 адам жұмысқа орналасты. Бағдарламаның бірінші бағыты есебінен 1714 жоба іске асырылды. Аталмыш бағдарлама жұмыс орындарын ашумен қатар ауылдық жерлердегі инфрақұрылымдлы дамытуда да үлкен жетістікке жетті. Атап айтар болсақ, 463 білім беру, 228 мәдениет және әлеуметтік қамтамасыз ету мен 164 денсаулық сақтау нысаны салынды», - дейді вице-министр.

Алайда, оның айтуынша, мемлекеттік бағдарлама барлық өңірде бірдей сәтті іске асырылып жатқан жоқ.

«Кей өңірлерде жөндеу жұмыстары бойынша 50 пайыз жұмыс орнын ашу туралы жоспарды орындамай қойса, ОДА құрылысы бойынша жұмыстың 30 пайызы орындалмаған», - дейді.

Сонымен қатар, мемлекеттік бағдарламаның екінші бағыты аясында 25,5 млрд теңге бөлінген. Мұнда негізгі шаралар шағын несиелеу жұмыстары мен кәсіпкерлік әліппесіне баулуға бағытталған.

«Кәсіпкерлік негізі бойынша 10 310 адам оқытылса, 11 182 адам шағын несиеге қол жеткізді, ал осының нәтижесінде 9201 адам жұмысқа орналасты», - дейді вице-министр.

Айта кету керек, сараптама тобы мүшелері үкіметтік мемлекеттік органдардың алдына ҮИИД МБ, «Бизнестің жол картасы-2020», «Аргобизнес-2020», «Жұмыспен қамтудың жол картасы-2020» бағдарламаларын іске асыруда жаңа жұмыс орындарын ашудың тиімділігі туралы мәселе көтерді.