ОҚО Қаржы полициясы кәсіпкерлермен бірігіп бизнесті қорғау бойынша мобильді топ құрады

Жиында Кәсіпкерлер палатасымен бірлесіп мобильді топ құру туралы шешім қабылданды. Оның міндеті шағын және орта кәсіпкерлік субъектілерінің заңды қызметіне кедергі мен рейдтік фактілерді іздестіру мен тексеру болып табылады.

Сонымен қатар, кәсіпкерліктің дамуына кедергі келтіретін заңнамалық нормаларға өзгерістер мен толықтырулар енгізу бойынша ұсыныстарды дайындайтын бірлескен жұмыс тобы құрылды.

Жалпы, ҚР Экономикалық қылмыс пен жемқорлыққа қарсы күрес агенттігінің хабарлауынша, соңғы 3 жылда қаржы полициясы тарапынан кәсіпкерлікті қорғау бойынша қолға алынған шаралар тесеріс органдары тарапынан кәсіпкерлікке қарсы жүргізілетін тексерістердің санын 5 есеге дейін азайтқан. Егер 2011 жылы 450 тексеріс жүргізілсе, 2012 жылы оның саны 247, 2013 жылы 151, ал 2014 жылдың 3 айында олардың саны 21-ді ғана құраған.

Сонымен қатар, ШОБ қызметтеріне мемлекеттік орган лауазымды тұлғалары тарапынан жасалған қылмыстық істер 2013 жылы 10-ды құрап, соның ішінде 8-і мемлекеттік сатып алуда қаржы бопсалау бойынша тіркелген. Ал 2014 жылы тек 1 ғана осындай қылмыс тіркелген.