• Басты
  • 2013 жылы Қызылорда облысының денсаулық сақтау саласында 2 мың жұмыс орны ашылды

2013 жылы Қызылорда облысының денсаулық сақтау саласында 2 мың жұмыс орны ашылды

14 Наурыз, 2014 16:54
Бүгін Қызылордада облыс әкімі Қырымбек Көшербаев алқа мәжілісінде 2013 жылы Қызылорда облысының денсаулық сақтау саласында 2 мың жұмыс орны ашылғандығын айтты.

Оның айтуынша, соңғы 3 жылда ана өлімі 32,9 пайызға, сәби өлімі 30,5 пайызға төмендеді.  Туберкулез дерті 7,8 пайызға азайды. Бұл денсаулық саласында серпілістің барын аңғартады. Сондай-ақ, 2013 жылы Қызылорда облысының денсаулық сақтау саласында 2 мың жұмыс орны ашылған.

Медициналық көмек ауылдың әрбір тұрғыны үшін қолжетімді болуы үшін өткен жылы 9 селолық аурухананы аштық. Биыл төртеуін ашуды жоспарлап отырмыз», деді облыс әкімі Қ.Көшербаев.

Аймақтағы күрделі мәселелерді анықтап, шешу мақсатында «Денсаулық сақтау  саласының жол картасы» жасақталып, оны жүзеге асыруға 4,4 млрд теңге бөлінді.

Денсаулық сақтау саласының басты мақсаты – медициналық қызметтердің сапасын көтеру және  оған халықтың қолжетімділігін арттыру. Бірыңғай Ұлттық денсаулық сақтау жүйесі енгізілуі  төсек орындарды тиімді пайдаланып, халық қажеттігіне байланысты қайта құруға мүмкіндік берді.  

Жалпы, медицина саласында атқарылып жатқан жұмыстардыоблыстық денсаулық басқармасының басшысы Иран Шәметеков жіпке тізіп берді. 

Сексеуіл ауылдық емханасының және 10 дәрігерлік амбулаториялардың  жобалық-сметалық құжаттамаларын дайындауға 134,1 млн. теңге қарастырылды, - деді И.Шәметеков.

Ведомство тарапынан Сыр медицинасының мәселесін шешуге әрдайым оң ықпал ететіндігін жеткізді.

 

Барлық жаңалықтар