«Нұр Отан» мемлекеттік органдардың қызметін бағалайтын қоғамдық бақылауды күшейтті

Кеңес барысында «Нұр Отан» партиясының хатшысы  Эльдар Сыздықов партияның төрағасы Н.Назарбаевтың сайлау алды платформасын жүзеге асыру бойынша мемлекеттік органдардың қызметін бақылауды күшейтуді тапсырғанын атап өтті.

«Тұрғындар үшін аса маңызды мәселелерді шешуге арналған қоғамдық, әлеуметтік сезімтал көрсеткіштерді қабылдау керек», - деп Э. Сыздықов баса айтты.

Айта кетерлік жайт, электронды партияны енгізудің арқасында «Нұр Отан» фракциясының мүшелерінде Мәжіліс пен маслихатта билік органдарының қызметіне берген халықтың тәуелсіз бағасын алуға мүмкіндігі бар.

«Бүгінгі таңда «Нұр Отан» партиясының Қоғамдық саясат интитуты жүргізген әлеуметтік зерттеу нәтижелеріне және қоғамдық қабылдау бөлімдерінің берген мәліметтеріне сәйкес жергілікті жұртты көбіне коммуналды қызметке тарифтердің өсуі, алғашқы қажетті тауарларға бағаның өсуі, тұрғын үй мәселесі, жолдардың төмен сапасы мен жұмысқа орналасу мәселелері толғандырады», - деп Э. Сыздықов атап өтті.

Оның айтуынша, бұл жұмыстың маңызды қыры азаматтық секторды мемлекеттік органдардың қызметін тексеру бойынша қоғамдық бақылауға тарту. «Нұр Отан» партиясының сараптамалық алаңына қоғамдық мониторинг қарсаңында 50-ден астам үкіметтік емес ұйым мен бизнес және ғылыми, шығармашылық интеллигенция өкілдері қатыстады. 

«Бүгінде фракция мүшелері тәуелсіз дереккөздерден объективті ақпаратпен қамтамасыз етеді. Сонымен қатар, азаматтық сектор өкілдері тарапынан алынған сараптамалық бағалаудың маңызы орасан. Халықтың өзі партияның қоғамдық қабылдауы мен әлеуметтік зерттеулер арқылы біздің билікпен біріге отырып шешуіміз тиіс күн тәртібіндегі мәселелерді айқындап береді», - дейді ҚР Парламенті Мәжілісіндегі партия фракциясы жетекшісінің бірінші орынбасары Сергей Дьяченко.