ЭКСПО-2017 көрмесіне шақырту 2014 жылдың жазында жіберіледі – ХКБ бас хатшысы
14 Наурыз, 2014 13:14
ЭКСПО-2017 көрмесіне шақырту 2014 жылдың маусым айында жіберіледі. Бұл туралы Орталық коммуникациялар қызметінің баспасөз отырысында Халықаралық көрме бюросының бас хатшысы Висенте Лоссерталес мәлімдеді.
«Заң бойынша, Қазақстан шақыртуды ЭКСПО-2017-ге 2014 жылдың 11-маусымында ресми таныстырылымнан кейін ғана жібере алады», - деді ол.
В. Лоссерталес ресми тану рәсімі өткеннен кейін, Астана көрмесіне қатысуға көп елдер келісетіндігіне сенім білдірді. Сондай-ақ ол халықаралық көрме туын тапсыру рәсімі маусым айына белгіленгенін де жеткізді.
Сондай-ақ, ол Қазақстан тұрғындары аталмыш шараға қатысуға үлкен қызығушылық білдіріп отырғанын айтты.
«Мен Қазақстан халқының ЭКСПО көрмесіне қатысушылар саны артып келе жатқанына қуаныштымын. Бұл біздің дұрыс бағытта келе жатқанымызды білдіреді», - деді В. Лоссерталес.
