ХКБ Бас хатшысы: ЭКСПО-2017 сәтті шара болады

14 Наурыз, 2014 13:05

ЭКСПО-2017 халықаралық көрмесі сәтті шара болады. Бұл туралы ҚР Президенті жанындағы Орталық коммуникациялар қызметінің брифингінде Халықаралық көрме бюросының Бас хатшысы Висенте Лоссерталес мәлімдеді.

«ЭКСПО елді барынша молынан таныстыруға мүмкіндік беретін халықаралық шара болып табалады. ЭКСПО елдің ұлттық болмысын көрсетеді. Біз үшін күшті мәдени элементінсіз ЭКСПО көрмесі жетістікке жете алмайды. Сол себепті көрмені өткізген 3 ай ішінде төл мәдениетімізді барынша молынан таныстыра алуымыз керек», - дейді В.Лоссерталес.

Оның айтуынша, көрме алаңдарында көрменің негізгі бағдарламасына енбейтін түрлі мәседи наралар ұйымдастырылады.

«Кейінірек біз ЭКСПО кезінде өткізілетін шаралардың жоспарына кірісеміз. Негізінен ЭКСПО көрмесінде көрме бағдарламасынан тыс көптеген шаралар атқарылады. Мысалға, опералық қойылым. Осы орайда біздің теңдессіз театрымыздың бар екенін де айта кету керек. Мүмкін, кей елдер өздерінің әртістерін де ала келер. Біз бұндай бастамаларды қолдаймыз», - дейді ХКБ Бас хатшысы.

Сонымен қатар, ол Қазақстанда өтетін көрмеден не күтетінін де жасырмады.

«Астанадағы ЭКСПО-ның төмен деңгейде өтетінін айтатындар Қазақстанды да, ЭКСПО-ны да өз деңгейінде тани алмағандар. Менің ойымша аталмыш шара өте сәтті өтпек», - дейді В.Лоссерталес.

Оның айтуынша, статистика бойынша, барлық ірі шаралар үлкен сынға ұшырайтыны қалыпты үрдіс.

«Біз тұрақты дамудың символына айналатын қалашық саламыз. ЭКСПО үшін ұйымдастырылатын барлық дүние қазақстандықтардың өмір сүру деңгейін арттырады. Бұл коммуникацияның басты мәселесі. ЭКСПО үшін жасалынған барлық шара БАҚ арқылы насихатталуы керек. Бұл үлкен жауапкершілік», - дейді В.Лоссерталес.

Барлық жаңалықтар