ХКБ бас хатшысы «Астана ЭКСПО-2017» ұлттық компаниясының жұмысын бағалады

Бүгін Орталық коммуникациялар қызметінің баспасөз отырысында Халықаралық көрме бюросының бас хатшысы  Висенте Лоссерталес «ЭКСПО-2017» халықаралық көрмесіне дайындық  жұмысы  туралы пікірімен бөлісті.

Ол жолдардың құрылысы мен көрме алаңын қаламен жалғастыруды  назарға алды.

«Меніңше, осы бағытпен жалғастыратын болсақ, ЭКСПО-2017 таңғажайып құбылыс болмақ, ол елдің болашақ дамуы мен өзге аймақтарға үлгі болады», - деді В. Лоссерталес.

Халықаралық көрме бюросының  бас хатшысы қазақстандықтарды қонақжайлылық танытқандарына алғысын білдіріп, «Астана ЭКСПО-2017» компаниясы жасаған жұмысты бағалады.

«Мен ұлттық компания мүшелеріне жақсы жұмыс жасағандарына алғыс білдіремін», - деді В. Лоссерталес.

Брифинг барысында ХКБ бас хатшысы өзінің елдегі үш күндік сапары туралы айтыпп өтті, сапар барысында ол ұйымдастыру комитеті мен Премьер-Министр Серік Ахметовпен кездескен болатын.