ЭКСПО-2017 көрмесіне тіркеу 2014 жылдың маусымында жоспарланған – В. Лоссерталес

14 Наурыз, 2014 12:46

Біз ЭКСПО-2017 көрмесіне тіркеуді 2014 жылдың маусымында жүзеге асыруды жоспарлаудамыз, бл туралы Орталық коммуникациялар қызметінің баспасөз отырысында Халықаралық көрме бюросы бас хатшысы Висенте Лоссерталес айтты.

«ЭКСПО-2017 туралы заң өте маңызды себебі ол инвесторлар мен қатысушыларға ЭКСПО-ға қатысуға дайындық жүргізуге мүмкіндік береді. Бұл заң Қазақстанға инвесторлар мен қатысушылар, демеушілерді тартуға септігін тигізеді. Заң дұрыс қабылданды және ол оң бағытта жұмыс істеуде», - деді В. Лоссерталес.

Оның айтуынша, құқықтық-нормативтік сұрақ Премьер-Министр ССерік Ахметовпен болған кездесуде талқыланды.

«Біз тіркеудің басты шарасын маусым айына жоспарлап отырмыз. Халықаралық көрменің туын тапсыру салтанаты көрменің ресми мойындалып, тіркелгенінен кейін өткізіледі. Сол кезде Қазақстан барлық ресми кеңселерде болып, барлық маңызды шараларға қатысады»,- дейді В.Лоссерталес.

Айта кету керек, Астанаға жұмыс сапары барысында ХКБ Бас хатшысы қоршаған орта және су ресурстары министрі Нұрлан Қаппаровпен, Астана қаласы әкімі Иманғали Тасмағамбетовпен, ЭКСПО-2017 комиссарыны ҚР сыртқы істер министрінің бірінші орынбасары Рәпіл Жошыбаевпен және «Астана ЭКСПО-2017» ҰК» АҚ басқарма төрағасы Талғат Ермегияевпен бірқатар кездесу ұйымдастырды.

Барлық жаңалықтар