Қазақстанда соңғы 3 жылда бас бостандығынан айырылғандар саны азайды- PRI

14 Наурыз, 2014 12:29

Бүгін Астанада «Орталық Азияда жаңа қылмыстық-атқарушылық заңнаманы қалыптастыру: беталысы жән қиыншылықтар» атты конференция өтуде, оған 200-ден астам сарапшылар қауымдастығының өкілдері және ҚР Парламентінің депутаттары қатысуда.

«Бүгінде маңызды сұрақтардың бірі бас бостандығынан айырылғандардың жұмыс істеу арқылы өзінің отбасы мен мемлекетке пайдасын келтіру және мерзімінен бұрын шартты бостату негізінде бостандыққа шығу мәселесі болып табылады», - деп Парламент Мәжілісінің депутаты Светлана Бычкова атап өтті.

Бұдан басқа, оның айтуынша азаматтарды әлеуметтік бейімдеу мәселесі аса маңызды бағыттардың бірі.

Бүгінде біз оларды бостандыққа жіберу алдында еркіндіктегі өмірге бейімдеу, психологиялық тұрғыда даярлау арқылы оларды алдағы уақытта да қылмыс жасаудан бойын аулақ ұстауға тәрбиелеу мәселесін көтеріп жүрміз», - деп ол толықтырды.

Айта кетерлік жайт, мемлекеттік ұйымдар мен қоғамдық ұйымдардың атсалысуымен басбостандығынан айырылғандардың саны соңғы 3 жылда азайды.

Сонымен, «Халықаралық түрме реформасы» ұйымының мәліметі бойынша, Қазақстанда 2013 жылдың қорытындысы бойынша бірінші рет ел тарихында 100 мың адамға шаққанда 295 басбостандығынан айырылған адамдардан келді. Жалпы, темір тордын артында отырғандар саны 2013 жылдың аяғында 48684 адамды құрады.

Конференцияның қорытындысы бойынша қылмыстық әділеттік процесінің сапасы және сотталғандардың қайта қылмыс жасамауы үшін ұсыныстар берілді.