ЭКСПО-2017 көрмесінде біз Қазақстанның әлемдегі рөлін белгілеуіміз керек – В. Лоссерталес
14 Наурыз, 2014 11:52
Халықаралық көрме бюросының бас хатшысы Висенте Лоссерталес «ЭКСПО-2017» халықаралық көрмесін өткізу идеяларымен бөлісті. Орталық коммуникациялар қызметінде ол көрме өткізу кезінде Қазақстанның әлемдегі рөлін белгілеу керектігін айтты.
Висенте Лоссерталестің айтуынша, Астанаға жұмыс сапары кезінде «Қазақстан» павильонының қамтамасыз етілуі қарастырылды.
«Қазақстандық павильон – бұл тематикалық павильон ғана емес. Ол жаңа энегрия ресурстарын қарастырады, сондай-ақ, ол мәдениетті де таныстыруы тиіс. Біз оның қарапайым тематикалық павильонға айналмауын қадағалауымыз керек. Себебі, бұл жай ғана энергия емес. Қазақстан – бұл мәдениет, өнер, болашақ пен өткен күн. Сол себепті павильонда оның әлемдегі орнын ерекшелеу керек», - деді ол.
Сондай-ақ, В. Лоссерталес жақын арада Қазақстанның павильоны бойынша тұжырымдамасына өзгерістер енетінін айтты.
