Актуальдандырылған ҚР Қылмыстық-атқару кодексі адам құқына оң әсерін береді – Элисон Ханна

«Жаңа заң адам құқы үшін айтарлықтай әсерін тигізеді – жазасын өтеушілер мен жауапқа тартылғандардың өмірін белгілі бір деңгейде жақсартады. Азаматтық және саяси құқық бойынша халықаралық пакт бұрынғы жазасын өтеушілерді интеграциялаудың талаптарын қарастырады. Онда қылмыстық жүйе реформаанып, бұрынғы сотталушылар әлеуметтік интеграциялануы керек екені айтылады», - дейді Элисон Ханна.

Оның айтуынша, Қазақстан Үкіметі бұрынғы жазасын өтеушілердің әлеуметтендірілуі мен интеграциялауына маңызды қадамдар қарастыруда.

«Қылмыстық-атқару кодексінің жаңа редакциясы елдегі қылмыстық саясаттың даму бағытын іске асырудың кезекті кезеңіне бастама болады. Кодекстің дайындалуы халықаралық тәжірибе мен қоғамдық заманауи дамудың заңдылығына негізделеді. Заң жобасында қамтудың басты идеясы болып табылатын жазалауды орындаудың маңызды принциптері көрініс табады», - дейді ҚР Парламенті Мәжілісінің депутаты, Заңнама және сот-құқықтық реформа комитетінің төрағасы Рахмет Мұқашев.

Бүгінде Қылмыстық-атқару кодексінің жобасы Парламент Мәжілісінде Әкімшілік құқық бұзушылық кодексі мен Қылмыстық-процессуалды кодекс жобасымен бірге қаралып жатыр.

Айта кетейік, бүгін Астанада «Орта Азияда жаңа қылмыстық-атқару кодексі заңнамасын құру: үрдісі мен қатері» атты конференция өтуде.

Шараға 200-ден астам сарапшы қатысады.