ҚР-да жоғарғы оқу орындарындағы мүмкіндігі шектеулі түлектердің 80% жұмысқа орналастырылды - БҒМ

«2012 жылы мүмкіндігі шектеулі жандарға берілетін квоталардың үлесі жалпы мемлекеттік тапсырыстың 0,5% құраса, кейіннен 1%-ға дейін ұлғайтылды. Қазіргі таңда мемлекеттік оқу орындарының статистикалық мәліметтері бойынша оларда 800 астам кембағал жандар білім алуда, ал олардың 468 мемлекеттік тапсырыс аясында оқып жатыр», - деді Ф.Жақыпова.

Жалпы, салалық ведомстводан хабарлағандай  ТжКБ жүйесінде 178 колледж мүмкіндігі шектеулі жандардан мамандарды даярлауда.  Оқу орындарының мәліметі бойынша қазіргі таңда түлектердің 80% жұмысқа орналастырылған.

Сонымен қатар, Ф.Жақыпова атап өткендей, мүмкіндігі шектеулі жандар үшін оқу орындарында кедергісіз орта қалыптастыру бойынша жұмыстарда жүргізілуде.

«Қазіргі таңда екі оқу орнында кедергісіз орта қалыптастырылған.  Бүгінде біз үш оқу орнымен жұмыс істеп жатырмыз, олар алдағы уақытта дәл осындай кедергісіз орта қалыптастыратын болады.  Бұдан кейінде біз жөндеу жұмыстарын жүргізу, оқу орындарының жаңа оқу корпустарының құрылысын жүргізу барысында осы шарттардың орындалғанын қадағалап, қарастыратын боламыз», - деді ол.

Сонымен қатар, оқу орына түсу типтік тәртібінде мүгедек жандардың оқуға түсуі бойынша шаралар ескерілетін болады.

Ведомсвоның мәліметі бойынша, жалпы республика бойынша туылған сәттен және 18 жасқа дейін 138 513мүмкіндігі шектеулі бала бар, бұл дегеніңіз  жалпы еліміздегі балалар санының 2,8% .