Халықаралық қатынастарды нығайту тұрақтылық пен бірлікке әкеледі - Ш.Құрбанов

«ҚР Президенті Н.Назарбаев әр халыққа Жолдауында нақты тапсырмалар мен міндеттер қояды. Барлық этностардың құқығы мен теңдігіне ерекше нарзар аударылады, бұл ертеңгі күнге деген сеніміңді арттырады», - деді Шыңғыс Құрбанов.

Жаңа Жолдауда «Мәңгілік Ел» патриоттық құжатын жасау және қабылдау туралы айтылған, ол Қазақстан қоғамының басты құндылықтарын негіздеуге арналған. Ш. Құрбановтың айтуынша, Солтүстік Қазақстан облысының ҚХА ұлттық идеяны жүзеге асыруға атсалысатын болады.

«Бұл үшін бізде іргетас қаланған. Әзірбайжандар қолжеткізген жоғары мәдени жетістіктер тек қазақ халқының менталитетінің кеңпейілдігінің, бейбітшілікті сүйгіштігінің арқасында және Елбасының елімізді мекен еткен барлық ұлттардың бірлігіне бағытталған сарабдал саясатының арқасында келген дүние. Біздің орталықтың жұмысы әзірбайжан ұлтының мәдениетін, салт-дәстүрін насихаттаумен және ұлтаралық бірлікті, бейбітшілік пен тұрақтылықты нығайтуға арналған. Ұлттық жаңару мектебінде  әзірбайжан бөлімі жұмыс істейді. Әзірбайжан мәдени орталығы облыстың өзге де этностық мәдени орталықтарымен бірлесіп түрлі іс-шаралар өткізеді. Бұл өз кезегінде олардың арасындағы байланыстың нығайып жаңа деңгейде дамуына септігін тигізуде. Ал, Елбасының Жолдауда атап көрсеткен міндеттерінің бірін жүзеге асыруда біз жастарға  ұлттық патриотизм тұрғысында тәрбие беруді жалғастырамыз», - деп Ш.Құрбанов атап өтті.

Қоғамдық қызметкер атап өткендей, елімізде халықаралық қатынастарды нығайту бұзылмас тұрақтылық пен бірлікке әкеледі.

«Бастысы бізде бір мақсат, бір мүдде, бір болашақ бар. Бұл сөздер жаңа Жолдаудың атауына жайдан-жай енген жоқ!», - деп Ш. Құрбанов баса айтты.