Алматыда ГБС-ын детандер-генераторлы агрегатымен жабдықтау жобасының тұсаукесер рәсімі болып өтті

13 Наурыз, 2014 16:30

Бүгін Алматыда «Самрұқ-Қазына Инвест» суммарлы қуаты 11,5 МВт болатын детандер-генераторлы агрегаттарды Қазақстандағы 4 газ бөлетін станцияларға орналастырып, сол арқылы электрэнергиясын өндіретін жобаның тұсаукесер рәсіміне қатысты жиын болып өтті.

Қала әкімі Ахметжан Есімов мегаполистің электрэнергияны жылдық тұтыну көлемі 1,6 млн. МВт/сағатқа жуық екендігін айтты, деп қаланың ресми порталы хабарлады.

«Алматыда электрмен жабдықтау «АлЭС» АҚ- ның жеке генераторларымен жүзеге асады, жыл ішінде 932 МВт өндіріледі, Жамбыл ГРЭС-і 200 МВт, Мойнақ ГЭС-і 246 МВт, Екібастұз ГРЭС 1, 2 – 232 МВт, кіші ГЭС-тер 3,03 МВт. Қалаға электр қуаты көп мөлшерде қажет болғанда Қырғызстаннан 64 МВт көлемінде келеді», - деді Ахметжан Есімов.

Қала әкімі электрэнергиясының тарифі қалада белгіленген 1 кВт-ға 8,8 теңгеден артпауы тиіс деді.

Аталған жобаны жасаушылар оның газ бөлетін станцияларды детандер-генераторлы агрегаттармен қамтамасыз етіп, табиғи газдың қысымын төмендету арқылы электроэнергиясын өндіруге болатындығын айтты.

Жоба бойынша мұндай агрегатпен Алматыда «Орбита» ГБС жабдықталатын болады. Жобаның құны - 549 млн. теңге, құрылыс мерзімі – 1 жыл 3 ай.

Кездесу барысында Алматы әкімдігі мен «Самрұқ-Қазына Инвесттің» алдағы уақытта бірлесіп жұмыс істеу мәселесі де сөз болды.