«Қазақстан-2050» қозғалысының көшбасшылары Атырау облысының жұртшылығымен кездесті
«Мәңгілік Ел» жалпыұлттық идеяны қолдау бағытында алдымен топ мүшелері Атыраудағы Каспий маңының қазіргі заманғы колледжінде әлеуметтік сала қызметкерлері, үкіметтік емес ұйымдар, этномәдени бірлестіктер және саяси партиялар филиалдары жетекшілерімен дөңгелек үстел өткізді.
«Қазақстан-2050» қозғалысының мүшелері айтқандай, дөңгелек үстелдің тақырыбы - «Қазақстан-2050» стратегиясы мен «Мәңгілік Ел» Патриоттық Актісін қолдау.Жалпыұлттық қозғалыс мүшелері «Мәңгілік Ел» патриоттық актісі ең алдымен Қазақстан азаматтарының ұсыныстарымен жасалынып жатырғанын айтты.
Кейін жалпыұлттық қозғалыс мүшелері Атырау мұнай және газ институтының конференц залында жастар өкілдері мен облыс жастарымен кездесу ұйымдастырды.Бұл жиында Қазақстанның дамуындағы жастардың маңызды рөлі мен «Мәңгілік Ел» патриоттық актісін насихаттауда жастар бірлестігінің жұмыстары талқыланды.
