• Басты
  • ҚР-да зейнетақы, әлеуметтік төлемдер мен жалақыны көтеру үшін қосымша 117 млрд теңге бөлінді - ЕХӘҚМ

ҚР-да зейнетақы, әлеуметтік төлемдер мен жалақыны көтеру үшін қосымша 117 млрд теңге бөлінді - ЕХӘҚМ

13 Наурыз, 2014 12:15
Қазақстанда зейнетақы, әлеуметтік төлемдер мен жалқыны көтеру үшін 117 млрд. теңге қарастырылуда. Бұл туралы бүгін Парламент Мәжілісінде ҚР Еңбек және халықты әлеуметтік қорғау министрі Тамара Дүйсенова мәлім етті.

«Ағымдағы жылдың сәуір айынан бастап ай сайын қосымша қызметтік жалақының үстінен 10% үстемақы төлеу арқылы азаматтық қызметкерлердің еңбекақысын көтеру жоспарлануда. Бұл көтеруге 1,5 млн. адам қатыстырылса, оның 1,1 млн. адамы азаматтық қызметкерлер,  236,8 мыңы біліктілігі жоқ жұмысшылар, 88,5 мыңы штаттан тыс қызметкерлер болып табылады», - деп Т. Дүйсенова хабарлады.

Жалпы, оның айтуынша, бастаманы жүзеге асыру үшін 63,5 млрд. теңге бөлінді.

«Осылайша, зейнетақы, әлеуметтік төлемдер мен жалқаны көтеру үшін қосымша 116,9 млрд. теңге қарастырылуда», - деп ҚР ЕХӘҚМ басшысы толықтырды.

Сонымен қатар, Т. Дүйсенова атап өткендей, отбасы институтын нығайту үшін Неке және отбасы кодексіне өзгертулер енгізілуде.

«Олар ҚР асырапалушы азаматтарының құқығын кеңейтуді қарастырады. Ол үшін ҚР Үкіметі жетім қалған балаларды асырап алу бойынша бір жолғы ақшалай төлемді бекіту құқығын алуда. Бір жолғы ақшалай төлемді жүргізу үшін 2015 жылдан бастап 382,2 млн. теңге, ал, 2016 жылдан бастап - 423,8 млн. теңге бағытталатын болады», - деп ол түсіндіріп өтті.

Барлық жаңалықтар