ҚР-да МОЖЖ аясындағы салымшылар саны 1000-ға жетті

Білім және ғылым министрлігінің «Қаржы орталығы» АҚ-ның хабарлауынша, мыңыншы салымшы МОЖЖ қатысушы банкі болып табылатын БТА банкінің Алматыдағы бөлімшесінен оқыту депозитін ашқан.

«Оқыту» деп аталатын жаңа депозиттің қазіргі таңда Қазақстан бойынша теңдесі жоқ.

Естеріңізге сала кетейік, Мемлекеттік оқыту жинақ жүйесі туралы заң біздің елімізде өткен жылдың ортасында қабылданған еді. Жаңа жинақ жүйесінің жұмысы өте қарапайым: кез келген адам бағдарламаға қатысатын банкте депозит ашып, болашақта білім беру ордаларында оқу үшін қаражат жинай алады. Салым бойынша тең банктің үстемақы ғана қосылмай, сонымен қатар депозитті салғаннан кейінгі бір жылда мемлекет тарапынан салынған қаржының 7 пайызын құрайтын мемлекеттік сыйақы тағайындалады. Басты шарт – салым тек оқыту мақсатында жұмсалуы керек.

Қазіргі таңда депозиттік жаңа түрін қазақстандық үш банктен ашуға болады. Олар қазірдің өзінде мемлекеттік оқыту жинақ жүйесінің бағдарламасына қатысады. Атап айтар болсақ олар: БТА банкі, Темір банк пен Халық банк.  Салымды толтыру үшін банк бөлімшелеріне бару мүлде міндет емес. Ақшаны өзін өзі қызмет көрсету терминалдары, ғаламтор банкі немесе төлем картасы мен ағымдағы шот арқылы салуға болады.