ҚР-да 2014 жылы әлеуметтік жәрдемақылардың көлемі 50%-ға дейін көтеріледі - Т.Дүйсенова

13 Наурыз, 2014 11:45

«Қазақстан Республикасында мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы» Заң жобасына сәйкес мүгедектiгi және асыраушысынан айырылу жағдайы бойынша жәрдемақы 50%-ға көтеріледі, деп Парламент Мәжілісінде ҚР Еңбек және халықты әлеуметтік қорғау министрі Тамара Дүйсенова мәлім етті.

««Қазақстан Республикасында мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы» Заңымен мемлекеттік жәрдемақының көлемін ағымдағы жылы 12%-ға, 2015 жылдың 1 шілдесінен бастап 25%-ға өсіру қарастырылған», - деп Т. Дүйсенова хабарлады.

Оның мәлімдеуінше, жоспарлы көтеру жәрдемақының көлемін 2013 жылмен салыстырғанда 50%-ға арттырады.

«Егер бірінші топ мүгедегі өткен жылы ай сайын 25 378 теңге жәрдемақы алатын болса, 2015 жылдың 1 шілдесінен ол 38 028 теңгені құрайтын болады. Осылайша жәрдемақы мен зейнетақының арақатынасы өзгереді. Сонымен, ағымдағы жылы бірінші топ мүгедегіне берілетін жәрдемақы көлемі орташа зейнетақаның 60,1% құраса, оның көлемі арттылырған соң 76% құрайтын болады», - деп ол толықтырды.

Жалпы, 650 мың адамның алатын жәрдемақы көлемі көтерілетін болады, ал, бюджетке ағымдағы жылы қосымша 6,3 млрд. теңгеге қажеттілік туындайды.