ЕХӘҚМ «Әлеуметтік қамсыздандыру бойынша ҚР-ның кейбір заңнамалық актілеріне өзгерістер мен толықтырулар енгізу туралы» заң жобасы таныстырды

«Атап айтар болсақ, 2014-2016 жылдарға арналған республикалық бюджетті нақтылау туралы заң жобасында биылғы жылдың 1 сәуірінен бастап зейнетақысы бекітілетін тұлғалардікін аттыруды ескере отырып базалық зейнетақы төлемін 14%-ға дейін, еңбек зейнетақысын 12%көтеру қарастырылған», - дейді ведомство  басшысы Тамара Дүйсенова заңнамалық өзгерістер туралы.

Оның айтуынша, аталмыш шаралар базалық зейнетақы төлемін 10 450 теңге немесе 12%-ға, ал еңбек зейнетақысының орташа көлемін 46 661 теңгеге дейін арттыруға мүмкіндік бермек.

«Сонымен қатар, «Зейнетақымен қамту туралы» ҚР Заңына 2014 жылдың 1 сәуірінен бастап 39-41АЕК деңгейінде зейнетақы есебі үшін қолданылатын табыс көлемін арттыру түріндегі өзгеріс енгізілмек. Бұл өз кезегінде 1 сәуірден бастап зейнетке шығатын адамдар мен бұрыннан зейнетте отырған азаматтардың зейнетақы көлемін теңестіреді», - дейді министр.

Жалпы, қазіргі таңда еліміздегі зейнеткерлер саны 1,9 млн адамды құрайды. Ал олардың зейнетақысын көтеру үшін қосымша қажеттілік 40,6 млрд теңге.

Заң жобасы «Неке және отбасы туралы» ҚР Кодексіне және әлеуметтік қамсыздандыру мен зейнетақылық және әлеуметтік төлемдердің көлемін арттыруға бағытталған азаматтарды әлеуметтік қолдау мәселесі бойынша 6 заңға өзгерістер мен толықтырулар енгізуді қарастырады.