• Басты
  • Қорғаныс министрлігінің АНТ 2014 жылғы Жолдауды Алматы облысының гарнизондарында насихаттауда
13 Наурыз, 2014 09:30

Қорғаныс министрлігінің АНТ 2014 жылғы Жолдауды Алматы облысының гарнизондарында насихаттауда

Қазақстан Қорғаныс министрлігінің кешенді ақпараттық-насихаттау тобы Мемлекет басшысының «Қазақстан жолы - 2050: бір мақсат, бір мүдде, бір болашақ» атты Қазақстан халқына Жолдауының іске асырылу барысымен танысу мақсатында Алматы облысында жұмысын бастады.
Қорғаныс министрлігінің АНТ 2014 жылғы Жолдауды Алматы облысының гарнизондарында насихаттауда

Топ жетекшісі - Бас штаб бастығының орынбасары полковник Мұхамеджан Таласов бастаған ақпараттық-насихаттау тобының мүшелері әскери бөлімдерде болып, тұрғын үй және әлеуметтік-тұрмыс жағдайымен танысты, деп ведомствода хабарлады.

Жеке құрам заманауи қару жарақ және әскери техникамен жарақтанған және ҚР ҚК Жоғарғы Бас қолбасшысының кез келген тапсырмасын орындауға әзір. Әскери ұшқыштар еліміздің әуе кеңістігін қорғауда жауынгерлік кезекшілікті лайықты атқарып келеді.

Талдықорған гарнизонында Аэроұтқыр әскерлерінің десантшылар бөлімі мен авиациялық әскери бөлім шоғырланған. Жауынгерлік даярлықтағы жетістіктерімен ерекшеленген десантшылар бөлімінің жеке құрамы ҰҚШҰ Ұжымдық жедел ден қою күштерінің құрамына кіреді. Бригаданың жеке құрамы толықтай келісімшарт бойынша әскери қызметшілермен жасақталған.

Жұмыс барысында Қорғаныс министрлігінің өкілдері Талдықорған гарнизонындағы әскери бөлімдер мен мекемелердің командирлерімен, олардың тәрбие және әлеуметтік-құқықтық жұмыстар жөніндегі орынбасарларымен кездесті. Сондай-ақ, ақпараттық-насихаттау тобының мүшелері қаладағы әскери-техникалық мектепте болып, курсанттарға Жолдаудың негізгі басымдықтарын түсіндірді.

ҚР Қорғаныс министрлігі ақпараттық-насихаттау тобының келесі жұмысы Сарыөзек, Қапшағай гарнизондарында жалғасады.

 

 

 

Барлық жаңалықтар