Сенатор Б.Әйтімова Грекияның ҚР-дағы Елшісі және Астанадағы ЕЫҚҰ орталығы басшысымен кездесті

12 Наурыз, 2014 17:28

Қазақстан Республикасы Парламенті Сенатының депутаты, Халықаралық қатынастар, қорғаныс және қауіпсіздік комитетінің хатшысы Бірғаным Әйтімова Грекияның Қазақстандағы Елшісі Эфтимиос Пандзопулоспен кездесті.

Кездесу барысында екіжақты ынтымақтастық, оның ішінде парламентаралық байланыстарды дамыту мәселелері талқыланды. Қазақстан Парламентінің екі палатасында Грекия заң шығару органымен ынтымақтастық топтары жұмыс істейді. Сонымен бірге Грекия Парламентінде «Грекия-Қазақстан» достық тобы бар, деп ҚР Парламенті Сенатында хабарлады.

Сенатор Елшіні Астанада алдағы уақытта болатын ЭКСПО-2017 көрмесі туралы хабардар етіп, оған грек жағының белсенді түрде қатысатынына сенім білдірді.

Бүгін Б.Әйтімова сондай-ақ ЕҚЫҰ-ның Астанадағы Орталығының Басшысы Наталья Заруднамен де кездесті. Тараптар Қазақстан мен ЕҚЫҰ арасындағы ынтымақтастықты дамыту мәселелері бойынша пікір алмасты.

Депутат Қазақстан Парламентінің маңызды саяси әріптесі болып табылатын ЕҚЫҰ Парламенттік Ассамблеясымен сындарлы ынтамақтастықты одан әрі дамытуға біздің еліміздің мүдделі екенін жеткізді.

Барлық жаңалықтар