2014 жылғы Жолдау – бүгінгі таңда ең көп талқыланып жатқан құжат – В.Ли
12 Наурыз, 2014 17:00
ҚР Президенті Н.Ә.Назарбаевтың «Қазақстан жолы-2050»: Бір мақсат, бір мүдде, бір болашақ» Жолдауы – қазіргі таңда ең көп талқыланып жатқан құжат, дейді Қазақстанның корейлер қауымдастығының Талдықорған өңірлік бөлімшесінің төрағасы, Қаратал ауданы мәслихаты депутаты,«Шығыс Қаратал» ЖШС директоры Владимир Ли.
«Бұрынғылары секілді Президенттің кезекті Жолдауы біздің қоғамның маңызды қажеттіліктерінің көрінісі ретінде «Қазақстан-2050» Стратегиясының іске асуы ретінде құнды», - дейді В.Ли.
Оның айтуынша, 2014 жылғы Жолдау қазіргі таңда ең көп талқылауға түсіп жатқан құжаттардың бірі. Нұрұслтан Әбішұлы Назарбаев айтқан мәселелер жасымыз бен әлеуметтік деңгейімізге қарамастан біздің барлығымызға қатысты.
«Жыл сайынғы Жолдауында біз үміт беретін ақпараттарды тыңдаймыз. Өмірдің өзі көрсеткендей, Президенттің идеясы мен жоспарлары орындалып жатыр. Атап айтар болсақ ол зейнетақы жүйесінің реформасы, агроөнеркәсіптік кешенді нығайту мен елдегі инвестициялық климатты күшейту», - дейді В.Ли.
