«Нұр Отан» партиясы жанындағы Құқықтық кеңес балалар құқығын қорғау механизмдерін талқылады

Партияның баспасөз қызметінде хабарлағандай, отырысқа ҚР Парламент Мәжілісінің депутаттары, мемлекеттік органдардың, соттардың, қоғамдық ұйымдар мен сараптау қауымдастықтарының өкілдері қатысты.

Отырысты ашқан «Нұр Отан» партиясы жанындағы Құқықтық кеңестің төрағасы, Мәжіліс депутаты Нұрлан Әбдіров жаңа Қылмыстық, Қылмыстық-процессуалдық, Қылмыстық-атқарушылық кодекстер қылмыстық озбырлықтан кәмелетке толмағандар мен әйелдердің  құқығын қорғауға бағытталып отырғанын атап өтті.  Атап айтқанда,  кәмелетке толмағандар мен жүкті әйелдердің құқығына қол салушылыққа байланысты барлық қылмыстық құқықбұзушылыққа орай жауапкершілік күшейтілді.

Сондай-ақ заңнамада кәмелетке толмағандарға қатысты сексуальдық сипаттағы және өзге де  қылмыстар жасаған тұлғаларды педагогикалық қызметпен айналысуға өмір бойға тыйым  салу белгіленгенін де атап өтті.

Отырыс барысында ЮНИСЕФ-тің ұлттық сарапшысы Абылайхан Аққұлиев дивергенция институтын дамытуға, яғни ұсақ құқық бұзушылық жасаған балаларды оңалтуға назар аударуды ұсынды,

Сарапшының пікірінше, дивергенция институты жазаға тартылушы жасөспірімге психологиялық  соққы беруді болдырмайды және  тергеу мен соттың істі қарау шығындарын төмендетеді. 

Отырыстың қорытындысы бойынша Нұрлан Әбдіров осы және өзге де заңнамалық шараларды іске асыру кәмелетке толмағандар мен әйелдер құқықтарының қорғалу деңгейін арттырмақ.