Қазақстандық экономикаға тұрақты даму тән - М.Мұқанов
«Бүгінде қазақстандық экономикаға тұрақты даму тән, әлем экономикасындағы қиын, әрі қарама-қайшылыққа толы жағдайға қарамастан өсім жақсы деңгейде. Барлықтарыңызға белгілі болғандай экономика өсімі 6% құрады, ал, инфляция барынша мүмкін деңгейде сақталып отыр. Сонымен қатар, жақсы нәтижелер макроэкономиканың басқа салаларында да байқалады», - деп М. Мұқанов атап өтті.
Оның айтуынша, 2014 жылдың басты жетістіктерінің бірі «Қазақстан-2050» стратегиясы мен Қазақстанның әлемнің дамыған 30 елінің қатарына енуі туралы Тұжырымдама сынды мемлекеттің стратегиялық құжаттарын орындау бойынша дайындық жұмыстарының аяқталып, олар бойынша жұмыстың басталуы болды.
«Бұл жыл осы құжаттарда көрсетілген және басымдық берілген бағыттарды орындауда негізгі бастама уақыты болады. Сонымен қатар, бұл жыл сратегиялық құжаттарды жүзеге асыру және әлем экономикасындағы тенденцияларды есепке алғанда маңызды болмақ. Бірінші кезекте бұл Ресей мен Қытай мемлекеттерінің экономикасымен байланысты. Ол біздің еліміздің экономикалық дамуына әсер етеді», - деп Экономикалық зерттеулер институтының президенті атап өтті.
