ЕХӘҚМ-де мамандарды кәсіби дайындау мен қайта даярлау мәселелері талқыланды

11 Наурыз, 2014 18:03

Еңбек және халықты әлеуметтік қорғау министрлігінде ведомство басшысы Тамара Дүйсенова мен білім және ғылым министрі Аслан Сәрінжіповпен, «Даму» Кәсіпкерлікті қолдау қоры» АҚ басқарма төрағасы Ләззат Ибрагимова және Ұлттық кәсіпкерлер палатасының басқарма төрағасы орынбасары Н.Әлтаевпен кездесуі өтті.

Министрліктің хабарлауынша, кездесу барысында мамандарды кәсіби даярлау мен қайт дайындауды бұдан ары жетілдіру жұмысында өзара әріптестік пен ынтымақтастық мәселелері талқыланды.

Атап айтар болсақ жалпы білім беретін 9-11 сынып оқушыларын кәсіби даярлау мен «Бизнестің жол картасы-2020» бағдарламасына қатысуға үміткерлер, сонымен қатар Шығыс Қазақстан, Павлодар, Солтүстік Қазақстан мен Оңтүстік Қазақстан облыстарындағы төрт қанатқақты өңірдің кәсіби бейімделу бағдарламасын өткізу талқыланды.

Сонымен қатар, кездесу барысында білім беру қызметтерін көрсететін кәсіпкерліктер мен оқыту ұйымдары анықталып, сонымен қатар кәсіби бейімделу бойынша ұсыныстар нәтижесіндегі мамандық таңдауда жастардың қабілеті мен мүмкіндіктері айтылды.

Кездесу барысында тараптар «Даму» Кәсіпкерлікті қолдау қоры» мен өңірлердегі кәсіпкерлерге қызмет көрсету орталықтарындағы кәсіпкерлік негізіне баулуға қатысу мәселесін ортаға салды.

Барлық жаңалықтар