Қазақстан мен Ресей «Байқоңырдағы» экологиялық қауіпсіздік жағдайын талқылайды
11 Наурыз, 2014 17:15
«Байқоңыр» ғарыш айлағы қызметінің экологиялық қауіпсіздігі жөніндегі Қазақстан-Ресей бағдарламасы жөніндегі ғылыми-техникалық кеңестің отырысы өтеді. Бұл туралы ОКҚ брифингі барысында Ресми өкіл Алтай Әбибуллаев хабарлады.
«12-13 наурызда Ресей және Қазақстан тараптары өкілдерінің қатысуымен, «Байқоңыр» ғарыш айлағы қызметінің экологиялық қауіпсіздігі жөніндегі Қазақстан-Ресей бағдарламасы жөніндегі ғылыми-техникалық кеңестің отырысы өтеді», - деді А. Әбибуллаев.
Ал, 14 наурызда Алматыда Қазғарыш Төрағасы Талғат Мұсабаевтың қатысуымен «Ғарыштық зерттеулер және технологиялардың ұлттық орталығы» АҚ-ның «Ғарыш: ғылым және технологиялар» тақырыбында жұмыс кеңесі өтеді.
