ШҚО-ның Бородулиха ауданындағы топтық су құбырына 15 ауыл қосылады

11 Наурыз, 2014 16:42

ШҚО Бородулиха ауданында топтық Қызыл Жар - Жезкент су құбырының құрылысы жоспарлануда, жоба «Ақ бұлақ» мемлекеттік бағдарламасы аясында жүзеге асырылып, Убин кенорнынан тартылады және жолай 15 ауыл қосылатын болады.

Бородулиха ауданындағы топтық су құбырының құрылысы бойынша жобалық-сметалық құжатнаманы даярлау аймақты сумен қамтамасыз етуде келешегі зор жұмыстардың бірі, деп ШҚО Ақпараттық орталығынан хабарлады.

Алдын-ала мәліметтер бойынша, жоба құны 6 млрд. теңгеден асып жығылады. Жағымды шешім қабылданған жағдайда орталықтандырылған су құбырына Жаңа Шульба ауданының 15 ауылы қосылады.

Аталмыш жоба 2014 жылдар мен 2019 жылдарға есептелген.

Оның үстіне, 2013 жылдан бастап 2019 жылдар аралығында бірқатар нысандарды жобалау және құрылыс жүргізу жоспарланған. Сонымен, 2015 жылдан бастап жалпы құны 81,7 млн. теңге тұратын «Зубаир ауылындағы сумен қамтамасыз ету жүйесін қайта жөндеуден өткізу» жобасы жүзеге асырылады.

Сонымен қатар, Камышенка және Зенковка ауылдарын да сумен қамтасыз ету жүйесіне қайта жөндеу жұмыстары жүргізіледі.

Ал, 2016 жылға Новопокров, Песчанка, Жаңа Шульба ауылдарының ішінде су құбырын жүргізу және қайта жөндеуден өткізу жоспарланған.