ҚР-да 2014 жылы бірқатар мемлекеттік жобаларды жүзеге асыруға қаржыландыруды арттыру қарастырылған -ЭБЖМ

11 Наурыз, 2014 15:40

Қазақстанда ағымдағы жылы бірқатар мемлекеттік жобаларды қаржыландыруды арттыру қарастылды, деп бүгін Үкімет отырысында экономика және бюджеттік жоспарлау министрі Ерболат Досаев мәлім етті.

«2014 жылдың макроэкономикалық көрсеткіштердің түзетілген болжамы бойынша Мемлекет басшысының тапсырмаларын уақытылы орындау мақсатында ағымдағы жылдың республикалық бюджеттің параметрлері түзетілді. Мектептке дейінгі білім беру ұйымдарындағы мемлекеттік білім беру тапсырысын «Балапан» бағдарламасы аясында орындау үшін 6,7 млрд. теңге көлемінде қосымша қаражат бөлінді», - деді Е. Досаев.

Нәтижесінде, ЭБЖМ-нің мәліметі бойынша, жыл бойына республикалық бюджетке түсім 6 206,1 млрд. теңге көлемінде болады деп белгіленген немесе бекітілген бюджетпен салыстырғанда 431,7 млрд. теңгеге өсім байқалады.

Бұдан басқа, түзетілген бюджет жобасында осы жылы қаржыландыруды қажет ететін Елбасының берген тапсырмаларын жүзеге асыруға қомақты қаражатта қарастырылды.

«Сонымен, «Агробизнес-2020» бағдарламасын жүзеге асыруға шығын көлемі 17,7 млрд. теңгеге ұлғайтылды. Ауыл шаруашылығы тауарын өндірушілерді қаржыландыру мақсатында «ҚазАгро» ҰБХ» АҚ-на 20 млрд. теңге қапиталға айналдыру үшін берілді. Сонымен қатар, халықаралық міндеттерді орындау үшін 21,8 млрд. теңге қарастырылды», - деп министр толықтырды.

Сонымен қатар, көлік инфрақұрылымын дамыту, «Алматы-Қапшагай» мен «Астана-Теміртау» учаскісіндегі жобалау-іздестіру жұмыстары үшін қосымша 15 млрд. теңге бөлінетін болды.

Барлық жаңалықтар