ҚР ЭБЖМ Үкіметке бюджет тапшылығын 40 млрд теңгеге дейін төмендетуді ұсынды – Е.Досаев
«Мемлекеттік қаражат тұрақтылығын нығайту мен Үкіметтік қарыздың қызмет көрсетуі бойынша жүкті одан ары азайту мақсатында қарыз есебінен қаржыландырылатын 40 млрд теңге көлеміндегі бюджет тапшылығын қысқартуды ұсынамыз», - деді Ерболат Досаев.
Оның айтуынша, осының нәтижесінде 16,3 млрд теңге көлеміндегі бюджеттік қаражаттың еркін қалдығын тарту есебінен нақтыланған тапшылық 918,7 млрд теңгені құрады.
«Тапшылықтың фактілік азаюы мен түсімі бойынша нақтыланған болжамын ескерсек, сонымен қатар 2013 жылғы бюджеттік қаражат қалдығын тартуға байланысты бұрын жүргізілген түзету нәтижесінде биылғы жылғы республикалық бюджет шығыны 7 124,8 млрд теңгені құрап, алдын ала белгіленген болжамнан 408,7 млрд теңгеге артқан», - дейді министр.
Жалпы, қосымша қаражат биылғы жылдың 14 ақпанында Үкіметтің кеңейтілген отырысындағы және Жолдауда айтылған Мемлекет басшысының тапсырмаларын іске асыруға бағытталады.
