Л.Ибрагимова: ҚР-дағы жеке кәсіпкерлердің 49%-ы әйелдер

11 Наурыз, 2014 12:40

Қазақстандағы жеке кәсіпкерлердің ішінде әйелдердің үлесі- 49%, ал ЖШС басқаратын нәзік жандылар 25% құрайды. Бұл туралы бүгін ҚР Президенті жанындағы Орталық коммуникациялар қызметінің брифингінде «Даму» Кәсіпкерлікті қолдау қоры» АҚ Басқарма төрағасы Ляззат Ибрагимова мәлімдеді.

«Кәсіпкерлік неғұрлым шағын болса, ондағы әйелдердің үлесі де көбірек келеді. Шағын кәсіпкерлік әйелдерге ыңғайлы екенін мойындау керек. Мысалға,Қазақстандағы жеке кәсіпкерлердің ішінде әйелдердің үлесі 49%, ал ЖШС басқаратын нәзік жандылар 25% құрайды», - дейді Л.Ибрагимова.

Сонымен қатар, ол әйелдердің көбірек қызмет ететін салаларын да атап өтті.

«Бұл бірінші кезекте денсаулық сақтау, жеке меншік білім беру, тамаққтандыру қызметтері салалары, сонымен қатар өнеркәсіп салаларында қызмет ететін нәзік жандылар жоқ емес», - дейді.

Оның айтуынша, бұл үрдіс тек Қазақстан көлемінде емес, барлық әлем бойынша кеңінен тараған.

Л.Ибрагимованың сөзіне сүйенсек, әйелдердің жаппай кәсіпкерлікке ұмтылуы соңғы он жылда тыныш революция терминімен де атала бастады.