ҚР Үкіметі 2014 жылғы республикалық бюджетке нақтылау енгізді

«Біз бүгін ақырғы рет барлық мәселелерді реттейміз де, ертең Қазақстан Республикасы  Парламентіне бюджетті нақтылау жобасын енгіземіз», - деді ҚР Үкімет басшысы Серік Ахметов.

Экономика және бюджетті жоспарлау министрінің айтуынша, 2014 жылы республикалық бюджетке түсетін қаражат көлемі 6,2 триллион теңгені құрап, алдын ала бекітілген бюджет 5,7 триллион теңгеден 431,7 миллиард теңгеге артқан. Трансфенрттерді санамағанда республикалық бюджет табысы 331,7 миллиард теңгеге артып, 4,3 триллион теңгені құрады.

«Кірістің артуы 505,5 миллиард теңге көлемінде болжануда. Бұл макроэкономикалық көрсеткіштердің 191,5 миллиард теңгеге артуы есебінен жалпы сомасы 303,3 млрд теңге болатын долларға шаққандағы теңге курсының өзгеруі мен 2014 жылғы 1 сәуірден бастап мұнайдың экспортында барреліне 60 АҚШ долларынан 80 АҚШ доллары кедендік баж салығының артуы, сонымен қатар өзге де шығын көрсеткіштері 10,7 миллиард теңгені құрады», - дейді Е.Досаев.

Жалпы, оның айтуынша, қосымша қаражат биылғы жылдың 14 ақпанында Үкіметтің кеңейтілген отырысындағы Жолдауда айтылған Мемлекет басшысының тапсырмаларын іске асыруға бағытталады.