Әлеуметтік аз қамтылған халық бөлігіне қолдау көрсету үшін 121,6 млрд теңге қарастырылған - ЭБЖМ

«Әлеуметтік аз қамтасыз етілген тұрғындарға қолдау көрсету мақсатында түзетілген бюджет жобасы шеңберінде 121,6 млрд. теңгені, сонымен қатар,  азаматтық қызметкерлердің ағымдағы жылдың 1 сәуірінен бастап ай сайынғы жалақысына  10% көлемінде үстемақы төлеу үшін 63,5 млрд. теңге бөлу қарастырылған», - деп Е.Досаев сендірді.

Бұдан басқа, ЭБЖМ атап өткендей, зейнетақы және мемлекеттік әлеуметтік төлемдерді көтеру үшін 53,4 млрд. теңге,  мемлекеттік тапсырыс аясында білім алып жатқандардың шәкіртақысын 10%-ға көтеру үшін 4,7 млрд. теңге бағытталады деп жоспарланған.

Жалпы, қосымша қаражат Елбасының халыққа Жолдауында және Үкіметтің кеңейтілген отырысында берген тапсырмаларын жүзеге асыруға бағытталады.

Сондай-ақ, түзетілген бюджеттік жобада 2014 жылдан бастап қаржыландыруды қажет ететін Елбасының тапсырмаларын орындау мақсатында қосымша  қаржы қарастырылды.

«Сонымен, «Қолжетімді баспана - 2020» бағдарламасын жүзеге асыру бойынша тұрғын үй 20,8 млрд. теңге шығындалатын болды. Ал, коммуналдық инфрақұрылымдардың жағдайын жақсарту мақсатында «Тұрғын үй-коммуналдық шаруашылықты жаңғырту» бағдарламасы шеңберінде 16 мың көп пәтерлі тұрғын үйлерге жылу есептеуіш құралдарын орнату үшін 8 млрд. теңге қосымша бөлінді»,- деп Е.Досаев толықтырды.