ЭБЖМ: ЖІӨ нақты өсімінің болжамы 2014 жылы 6% деңгейінде сақталады

«ЖІӨ нақты өсімінің болжамы 2014 жылы бұрынғы 6% деңгейінде сақталады. Номиналды ЖІӨ 2014 жылы 39 623,7 млрд теңгені құрап, тамыз айындағы көрсеткіштен 999,3 млрд теңгеге артқан», - дейді Е.Досаев.

Ведомство басшысының айтуынша, 2013 жылғы номиналды ЖІӨ-нің алдын ала болжамына сай, 922,2 млрд теңгеге болымсыз әсер есебінен оң өсім қарқыны байқалады, сонымен қатар мұнай бағасының өзгеруі мен теңге курсының өзгеруі жағдайында да аталмыш нәтиже сақталып отыр.

Жалпы, халықаралық сарапшылардың болжамы бойынша, мұнайдың орташа бағасы 2014 жылы барреліне 105,1 долларды құрамақ.

Оның айтуынша, 2014 жылғы макроэкономикалық көрсеткіштер болжамын ескерсек, Мемлекет басшысының тапсырмаларын өз уақытылы орындау үшін биылғы жылдың республикалық бюджеті нақтыланды.

«2014 жылы республикалық бюджетке 6 206,1 млрд теңге көлеміндегі қаражат немесе жоспарланған көрсеткіштен 431,7 млрд теңге артық түсім жағдайында республикалық бюджеттің табысы 331,7 млрд теңге жоспардан артық орындалып, 4 029,4 млрд теңгеден 4 360,9 млрд теңгеге артқан»,- дейді Е.Досаев.