Атырау облысында дәрігерлік амбулатория ашылды
10 Наурыз, 2014 11:30
Атырау облысы Махамбет ауданына қарасты Алға ауылында жаңа емхананың құрылысы аяқталып, амбулатория пайдалануға берілді.
Емхана барлық қажетті материалдық-техникалық жабдықтармен толықтай жабдықталған. Орталықтандырылған залалсыздандыру, лор, әйелдерді қабылдау, екпе, күндізгі стационар бөлмелері мен зертхана, химизатор, дәріханамен қамтылған емхана күніне 25-30 адамды қабылдайды, деп облыстың ішкі саясат басқармасында хабарлады.
Дәрігерлік емхана ғимаратын заман талабына сай тұрғызылған.
Дәрігерлерді тұрғын үймен қамту мақсатында жаңа емхана жанынан екі пәтерлік үй салуды да жоспарлануда. Сондай-ақ, бірінші жартыжылдықта емханаға жаңа автокөлік беріледі. Мұндай қамқорлықтар ауданда денсаулық сақтау саласын жақсартуға, дәрігерлердің сапалы қызмет көрсетуіне септігін тигізеді.
