Ауыл шаруашылығын қаржылай қолдау қорынан қарыз алушылардың 30% – әйелдер
9 Наурыз, 2014 10:29
Қордың стратегиялық мақсаттарының бірі - әйел-кәсіпкерлерін қолдау болып табылады. 19 395 белсенді қарыз алушының ішінде 5 301 әйел бар.
Қордан хабарлағандай, ол өз алдына әйел кәсіпкерлерінің санын көтеру мен қатар оларға бизнесті дұрыс жоспарлап, ұйымдастыруды үйрету мақсатын қойып отыр.
Сонымен, «Шағын несие ұйымдарын қолдау орталығымен» бірлескен «Шағын бизнес - ауылды жерлердегі әйелдер үшін» атты жоба жүзеге асырылуда, ол әйелдердің қаржылық сауаттылығын көтеруге бағытталған.
Өткен жылы осы жоба бойынша Атырау және Батыс Қазақстан облысында 300 астам әйел тренингтерден өтіп, Атырау және Орал қалаларында дөнгелек үстелдер өткізілдi. Кездесу барысында әйел кәсіпкерлігін дамыту мәселелері талқыланып, мемлекеттік және қаржыландыратын ұйымдар үшін ұсыныстар әзірленді.
Ал, 2021 жылға дейін осы бағдарлама бойынша барлық облыстар қамтылады деп жоспарлануда.
